امشى يا عدرا قدامى وخلى ظلك يوقع ع وجدانى
اصل حبك ملاء قلبى ومحبتك مكفيانى
النظره ليكى تشفى جروح نفسى وعلاج لاءحزانى
لما اتولدت صرخت وناديتك اصل انتى كنتى حميانى
وبصيت لقيتك يا امى واقفه بتبتسمى ومستنيانى
ومديتى ايدك ع قلبى وباءيدك قومتى جذبانى
وهديت ونمت غمضت عينى على نورك الربانى
ولما كبرت اتشقيت ونسيتك اصل الدنيا كانت لاهيانى
مقدرتش اقاوم ملاهيها وراحت هيا غلبانى
وكنت فاكره نفسى شديده اتاريها قويه ومش رحمانى
وبعدين طوحتنى شمال ويمين ولحد دلوقتى عمايلها مدوخانى
وسرحت بعقلى وافتكرت مين زمان طبطب عليا لما جانى
روحت بسرعه ندهت عليكى بصيت لقيتك جيانى
وقولتيلى يابنتى يا غاليه انتى دايما فى فكرى وفى باللى
انا مش بعيده عنك انا جنبك بس عنيكى هى اللى مش شيفانى
قومى دلوقتى صلى ليسوع واتناولى من جسده ودمه قدامى
قولت فى نفسى هى امى القبطيه اللى فضايلها معلمانى
كنت حزينه وببكى وفرحت لما عرفت انها فاكرانى
وانا لو سئلونى هاقول امى القبطيه هى اللى مربيانى
عشان انتى يا امى اللى حطانى على حجرك وهدهدانى
السبت ديسمبر 19, 2009 12:11 am